Ўзбекистон, Тошкент - Batafsil.uz. Жаҳон чемпионати-2026 баҳсларида амалдаги чемпион Аргентина миллий терма жамоаси ўз иштирокини ишончли ғалаба билан бошлади.
J гуруҳининг 1-туридан ўрин олган учрашувда Аргентина Жазоир миллий терма жамоасини 3:0 ҳисобида мағлуб этди. Ўйиннинг ҳақиқий қаҳрамони Лионель Месси бўлиб, у хет-трик муаллифига айланди.
38 ёшли ҳужумчи 17, 60 ва 76-дақиқаларда гол киритиб, жамоасига йирик ғалаба тақдим этди.
Эътиборли жиҳати шундаки, Месси жаҳон чемпионатларидаги голлари сонини 16 тага етказди ва турнир тарихида энг кўп гол урган футболчилардан бири бўлган Мирослав Клозенинг рекордини такрорлади. Энди кейинги учрашувларда киритиладиган яна бир гол аргентиналик юлдузни мундиаллар тарихидаги мутлақ рекордчига айлантиради.
Гуруҳнинг иккинчи учрашувида Австрия миллий терма жамоаси ҳамда Иордания миллий терма жамоаси ўзаро баҳс олиб боради.
Изоҳлар мавжуд емас