Ўзбекистон, Тошкент - Batafsil.uz. Туркиянинг Чанаққалъа шаҳрида Ўзбекистон фуқароси бўлган 63 ёшли Динара Аля Урқасимованинг ўлими билан боғлиқ жиноят иши бўйича суд ҳукми эълон қилинди.
Маълум бўлишича, 2025 йил июль ойида яқинлари аёл билан бир неча кун боғлана олмаганидан сўнг полицияга мурожаат қилган. Ҳуқуқни муҳофаза қилувчи органлар ходимлари унинг яшаш жойига борганида, хонадондан аёлнинг жасади топилган ва гумонланувчи сифатида унинг бирга яшаган таниши қўлга олинган.
Тергов якунига кўра, айбланувчига аёлни қасддан ўлдириш айби қўйилган. Суд жараёнида у айбини тан олмаган ва ўзини оқлашни сўраган.
Бироқ суд тақдим этилган далилларни ўрганиб чиқиб, айбланувчининг жиноят содир этганини тасдиқланган деб топган ҳамда уни қасддан одам ўлдириш жинояти учун оғирлаштирилган умрбод қамоқ жазосига ҳукм қилган.
Ҳозирча суд қарори юзасидан юқори инстанцияга шикоят киритилгани ҳақида маълумот берилмаган.
Бундан олдин ҳам Истанбул марказида 37 ёшли ўзбекистонлик аёл шафқатсизларча ўлдирилганди.
Изоҳлар мавжуд емас