Ўзбекистон, Тошкент - Batafsil.uz. Мамлакатда Шайх Ҳасина режими ағдарилганидан сўнг илк бор эркин ва демократик парламент сайловларида овоз бериш жараёни йўлга қўйилди. Бугун эрталабдан минглаб фуқаролар 17 йил ичида биринчи марта ўз сиёсий иродасини ифода этиш учун сайлов участкаларида узун навбатлар ҳосил қилди.
Бу галги сайловлар дунё тарихида 30 ёшгача бўлган ёшлар етакчилигидаги қўзғолондан кейин ўтказилаётган биринчи воқелик бўлиб, унда собиқ иттифоқчилар — Бангладеш Миллий партияси ва исломий "Жамоат-и-Исломий" коалициялари асосий рақиб сифатида қатнашмоқда.
Сўровномалар Бангладеш Миллий партиясининг имкониятларини юқори баҳоламоқда. Шу билан бирга, Шайх Ҳасинанинг "Авами Лиг" партияси фаолияти тақиқланган ва унинг ўзи Ҳиндистонда сургунда қолмоқда.
Миллий мажлисдаги 300 та ўрин учун рекорд даражада — 50 та партия ва 2000 дан ортиқ номзод кураш олиб бормоқда. Сайлов билан бир вақтда конституциявий ислоҳотлар бўйича референдум ҳам ўтказилмоқда. Нобель мукофоти совриндори Муҳаммад Юнус бошчилигидаги муваққат ҳукумат овоз бериш натижалари жума куни эълон қилинишини билдирган.
Аввалроқ Перу пойтахти Лима ва бир қатор шаҳарларда ҳам Z авлоди деб номланувчи ёшлар томонидан ташкил этилган оммавий норозилик намойишлари камида бир инсоннинг ҳалок бўлиши ва 100 дан ортиқ фуқаронинг жароҳат олишига сабаб бўлганди. Улар ҳукуматни коррупцияга қарши қатъий чоралар кўриш ва ижтимоий тенгсизликни камайтиришга чақирган эди.
Шунингдек, Мадагаскарда ҳам президент Андри Раджоэлина сўнгги йиллардаги энг йирик норозилик намойишлари ортидан мамлакатни тарк этганди. Бунга сув ва электр таъминотидаги узилишлар, нархларнинг ошиши ва ҳукуматдаги коррупция сабаб бўлган. Норозилик, айниқса, ҳукуматдан ислоҳотлар ва президентнинг истеъфосини талаб қилган ёш аҳоли - яъни Z авлоди орасида кучайган эди.
Изоҳлар мавжуд емас