Ўзбекистон, Тошкент - Batafsil.uz. Исроил бош вазири Биньямин Нетаньяхунинг Нью-Йоркдаги БМТ Бош Ассамблеясидаги нутқи ўнлаб делегатларнинг зални тарк этиши ва шаҳар марказидаги норозилик намойишлари билан якунланди.
Нетаньяху чиқиш бошида мамлакатлар вакилларининг кетишига муносабат билдириб, зални тарк этганларни “маънавий қўрқоқлар” деб атади. Кейинги нутқида у Исроилнинг ҳаракатларини оқлади ва мамлакат ўзини ҳимоя қилишда давом этишини айтди.
Нетаньяхунинг чиқиши зални намойишкорона тарк этишидан ташқари, Манхэттен марказида кўча намойишлари билан ҳам кечди. Бир нечта Фаластин тарафдори бўлган ташкилотлар шаҳарнинг турли ҳудудларида 1 250 дан ортиқ одамни тўплаган намойишлар ўтказди. The New York Times газетаси хабарига кўра, полиция 100 га яқин намойишчини ҳибсга олган.
Ҳибсга олинганлар орасида актрисалар Сьюзан Сарандон ва Ханна Айнбиндер, шунингдек, Нетаньяхуни танқид қилган Нью-Йорк мэри Зоҳран Мамданийнинг бир нечта сиёсий сафдошлари бўлган.
Аввалроқ Ўзбекистон БМТ Хавфсизлик кенгашининг 2035−2036 йилларга мўлжалланган доимий бўлмаган аъзолигига номзодини илгари сургани хабар қилинганди.
Изоҳлар мавжуд емас