Ўзбекистон, Тошкент - Batafsil.uz. Наманган вилояти Мингбулоқ туманида фаолият юритувчи бир компаниянинг касса чекидаги техник хатолик сабабли зиммасига асоссиз юкланган йирик солиқ мажбуриятидан суд орқали халос бўлди. Бу ҳақда Бизнес-омбудсман матбуот хизмати хабар берди.
Жорий йилнинг май ойида онлайн-касса орқали 450 000 сўмлик дизель ёқилғиси сотилганда хатоликка йўл қўйилиб, тизимга 450 000 литр деб киритилган ва 6 миллиард 750 миллион сўмлик нотўғри чек шаклланиб қолган.
Тадбиркорнинг чекни таҳрирлаш бўйича солиқ идораларига қилган мурожаатлари муддат ўтгани сабабли рад этилгач, Бизнес-омбудсман тадбиркор манфаатини ҳимоя қилиб Наманган туманлараро маъмурий судига ариза киритган.
Суд аризани тўлиқ қаноатлантириб, солиқ органларининг рад этиш ҳаракатларини ноқонуний деб топган ҳамда Солиқ қўмитаси ва вилоят солиқ бошқармасига нотўғри шакллантирилган чекни таҳрирлаш имкониятини яратиш мажбуриятини юклаган.
Эслатиб ўтамиз, Ўзбекистонда 1 фоизлик солиқ кешбеки тизимидан босқичма-босқич воз кечиш ва унинг ўрнига чек олганлар ўртасида автомобиль ҳамда бошқа қимматбаҳо совғалар ўйналадиган давлат лотереяларини жорий этиш таклиф қилинмоқда.
Изоҳлар мавжуд емас