Ўзбекистон, Тошкент - Batafsil.uz. Канада 8 сентябрдан бошлаб АҚШдан импорт қилинадиган қиймати 27,6 миллиард Канада доллари бўлган товарларга 15, 25 ва 50 фоиз миқдорида жавоб тариқасидаги божларни жорий этади. Бу қарор Вашингтоннинг Канада маҳсулотларига худди шундай миқдордаги 50 фоизлик божларига жавоб бўлди.
Энг юқори — 50 фоизлик бож пўлат ва алюминий маҳсулотлари, мебель ҳамда кийим-кечакка татбиқ этилади. Маиший техника, сут маҳсулотлари, балиқ ва денгиз маҳсулотлари, айрим металл буюмлар, қишлоқ хўжалиги техникаси, қоғоз, целлюлоза ва электроника учун эса 25 фоизлик бож белгиланади.
Вашингтон ва Оттова ўртасида Канада товарларига нисбатан Америка божларини юмшатиши керак бўлган муҳим савдо битими сўнгги пайтдаги келишмовчиликлар сабабли охирги дақиқаларда барбод бўлганди. Мамлакат молия вазири Франсуа-Филипп Шампань Вашингтоннинг сўнгги таклифларини Канада учун манфаатсиз деб баҳолаган эди.
Шу билан бирга, Оттава савдо низосидан зарар кўриши мумкин бўлган компаниялар ва ходимларни қўллаб-қувватлаш учун 7,5 миллиард Канада доллари ажратади. Маблағлар кичик ва ўрта бизнесни қўллаб-қувватлаш, иш ўринларини сақлаб қолиш ҳамда ходимларни қайта тайёрлашга йўналтирилади.
Изоҳлар мавжуд емас