Ўзбекистон, Тошкент - Batafsil.uz. Саудия Арабистони терма жамоаси мухлисларига ЖЧ-2026 ўйинлари учун бепул чипталар тарқатилмоқда. Стадионларнинг бўш қолиб кетишидан жиддий хавотирга тушган ташкилотчилар бундай қадамга боришга мажбур бўлишди. Илгари ушбу чипталарнинг нархи 500 фунт стерлинг ва ундан юқори бўлган бўлса, айрим ўйинлар учун нархлар ҳатто 3 000 долларгача етиши мумкин эди.
Ушбу ташаббуснинг асосий мақсади стадионлардаги бўш ўринларни тўлдириш ҳисобланади ва FIFA ташкилоти ушбу қарорни қўллаб-қувватлаган. Саудия Арабистони терма жамоаси "H" гуруҳида Кабо-Верде, Уругвай ва Испанияга қарши баҳс олиб боради. Мамлакатнинг мухлислар гуруҳи эса "Чипталар биздан, бориш эса сизлардан" деган шиор остида саудиялик мухлисларни АҚШга боришга чорламоқда.
Айни вақтда ушбу турнир атрофида бир қатор муаммолар юзага келган: АҚШнинг бир қатор штатлари FIFAни чемпионатдан кутилган иқтисодий фойдани таъминлай олмаганликда, чипталар нархини сунъий равишда оширганликда ва ношаффоф амалиётларни қўллаганликда айблаб, судга берган. Мутахассисларнинг фикрича, агар стадионлар бўш қолса, FIFA турнир бошланиши арафасида чипталар нархини кескин пасайтиришга ёки уларни оммавий равишда бепул тарқатишга мажбур бўлади.
Изоҳлар мавжуд емас