Ўзбекистон, Тошкент - Batafsil.uz. Зимбабведаги Кариба сув омборида кучли шамол ва баланд тўлқинлар сабабли паромнинг ағдарилиб кетиши оқибатида камида 72 киши вафот этди.Чуқурлиги 50 метрдан ошадиган ҳудудда юз берган ушбу фожиадан сўнг қутқарувчилар 77 кишини сувдан чиқариб олишга муваффақ бўлишди.
Маҳаллий полиция маълумотларига таяниб ҳудудий оммавий ахборот воситаларининг хабар беришича, бортда 160 нафардан ортиқ йўловчи бўлгани тахмин қилинмоқда, бироқ болаларнинг чиптасиз киритилгани сабабли уларнинг аниқ сонини ҳисоблаш мураккаблашган.
Ҳозирда ҳодиса жойида бедарак йўқолганларни қидириш ҳамда қурбонларнинг якуний рўйхатига аниқлик киритиш бўйича қутқарув операцияси давом этмоқда.
Олдинроқ Индонезиянинг Шарқий Нуса-Тенгара провинциясида 7,7 магнитудали кучли зилзила содир бўлиб, камида 20 киши ҳалок бўлди, олти киши жароҳатланганди.
Изоҳлар мавжуд емас