Ўзбекистон, Тошкент - Batafsil.uz. Ўзбекистон ташқи ишлар вазири ўринбосари Мирвоҳид Азимов Филиппиннинг Эрондаги элчиси Роберто Манало билан учрашув ўтказди. Мулоқот чоғида икки мамлакат ўртасидаги сиёсий, савдо-иқтисодий ва маданий-гуманитар алоқаларни ривожлантириш ҳамда савдо-саноат палаталари ўртасида тўғридан-тўғри ҳамкорликни йўлга қўйиш масалалари кўриб чиқилди.
Расмий хабарга кўра, томонлар қишлоқ хўжалиги, кимё, озиқ-овқат саноати ва туризм соҳаларида катта инвестициявий салоҳият мавжудлигини таъкидлаган.
Шунингдек, туризм ва транспорт соҳасини кенгайтириш мақсадида тўғридан-тўғри авиақатновларни йўлга қўйиш ҳамда соҳа вакилларининг ўзаро танишув сафарларини ташкил этиш бўйича келишувга эришилган.
Аввалроқ Ўзбекистон ва Туркманистон ўртасида тўғридан-тўғри авиақатновларни қайта тиклаш масаласи муҳокама қилинганди.
Изоҳлар мавжуд емас