Ўзбекистон, Тошкент - Batafsil.uz. Ўзбекистонда Apple Pay ва Google Pay тўлов тизимлари ишга тушади. Бу ҳақда президент Шавкат Мирзиёевнинг Вашингтонга ташрифи чоғида АҚШ йирик компаниялари ва инвестиция фондлари вакиллари билан учрашуви чоғида келишиб олинди.
Учрашувда АҚШ савдо вазири Говард Латник, президентнинг махсус ёрдамчиси Рикки Гил, махсус элчи Паоло Замполли, қишлоқ хўжалиги вазири ўринбосари Стивен Ваден, Америка-Ўзбекистон савдо палатаси вакиллари, Google, Meta, NVIDIA, Amazon, Boeing, John Deere, Honeywell ва бошқа компанияларнинг топ-менежерлари иштирок этди.
Президент Шавкат Мирзиёев АҚШ компанияларининг инвеститсиявий ташаббусларини шахсан қўллаб-қувватлашга тайёрлигини билдириб, Ўзбекистон хорижий инвесторлар учун ишончли ҳамкор ва муваффақият кафолати бўлиб қолаётганини таъкидлади.
Эслатиб ўтамиз, бир йил аввал ҳукумат PayPal, Apple Pay, Google Pay, Alipay ва UniPay халқаро тўлов тизимлари билан музокаралар ўтказиш бўйича топшириқ берган эди. Ўшанда Марказий банк, Рақамли технологиялар вазирлиги ва Туризм қўмитасига юкланганди. Ушбу тизимларни Ўзбекистондаги банк хизматлари билан интеграция қилиш бўйича музокаралар 2024 йил охиригача якунланиши керак эди.
Изоҳлар мавжуд емас