Ўзбекистон, Тошкент - Batafsil.uz. Хитой - Қирғизистон - Ўзбекистон - Тожикистон йўналиши бўйича биринчи контейнер поезди Ланчжоу бекатидан Душанбе-2 йўналиши бўйича йўлга чиқди. Поезд 18-20 кунда 3,5 минг километрдан зиёд масофани босиб ўтиб, минтақавий транспорт йўлагининг янги бўғинига айланади.
Лойиҳа Хитойда "Ўзтемирйўлконтейнер" АЖ иштирокида ташкил этилган UTK International Logistics Co Ltd қўшма корхонаси томонидан амалга оширилди. Ўзбекистон компанияси асосий ҳаммуассис бўлиб, ташишни ташкил этишни таъминлади.
Поезд таркибига халқ истеъмоли моллари ва қурилиш техникаси ортилган саккизта қирқ футли контейнер кирди.
Ушбу йўналишнинг ишга туширилиши Қирғизистон, Ўзбекистон ва Тожикистон раҳбарларининг 2025 йилда Душанбе шаҳрида ўтган учрашувида эришилган келишувларнинг амалий давоми бўлди.
"Ўзтемирйўлконтейнер" учун лойиҳада иштирок этиш логистика имкониятларини кенгайтириш, халқаро бозорда ўз ўрнини мустаҳкамлаш ва минтақада мултимодал транспорт йўлакларини ривожлантиришни англатади.
Аввалроқ, Давлат активларини бошқариш агентлиги компаниядаги 35 фоиз давлат улушини сотиш доирасида очиқ савдолар жараёнини якунлаганди.
Изоҳлар мавжуд емас