Ўзбекистон, Тошкент - Batafsil.uz. Тошкент халқаро аэропортида тўрт нафар аёлни одам савдоси қурбони сифатида Туркияга юбормоқчи бўлган шахслар ҳуқуқ-тартибот органлари томонидан қўлга олинди.
Манбага кўра, Чирчиқ, Каттақўрғон, Асака ва Ангренда яшовчи гумонланувчилар ёш аёлларни осон даромад ва иш ваъда қилиб, алдов йўли билан хориждаги шаҳвоний эксплуатацияга тарғиб қилгани аниқланган.
Суриштирув жараёнида, жабрдийларни Истанбул ва бошқа шаҳарларда кутиб олиш ва жойлаштиришни режалаштирган жиноий шериклар тармоғи аниқланган ва барча ҳолатлар бўйича парвоз олдидан ушланган.
Натижада, қўлга олинган гумонланувчиларга нисбатан
Жиноят кодексининг 135-моддаси, яъни одам савдоси айблови билан жиноят ишлари қўзғатилган.
Сўнгги маълумотларга кўра, ҳозирда ушбу ноқонуний хатти-ҳаракатларнинг хориждаги шерикларини аниқлаш ҳамда уларни терговга жалб этиш бўйича тезкор тадбирлар давом эттирилмоқда.
Олдинроқ Фарғона вилоятида ички ишлар органлари томонидан одам савдоси билан боғлиқ навбатдаги жиноятнинг олди олинганди.
Изоҳлар мавжуд емас