Ўзбекистон, Тошкент - Batafsil.uz. Ўзбекистон Марказий банки тижорат банкларидан омонат шартномаларидан мижозларнинг ўз маблағларини қайтариб олиш ҳуқуқини чеклайдиган барча бандларни чиқариб ташлашни талаб қилди. Олиб борилган текширувлар айрим банкларнинг шартномаларида омонатни муддатидан олдин қайтариш бўйича банк жавобгарликни ўз зиммасига олмайдиган ҳолатлар киритилганини кўрсатган.
Хусусан, бу каби чекловлар оммавий тартибсизликлар, митинглар, кўча намойишлари, қуролли ҳужумлар ҳамда банкнинг тўловга қобилиятсизлиги юз берган даврларга нисбатан қўлланилган.
Марказий банкнинг эслатишича, амалдаги қонунчиликка мувофиқ, банк омонатчининг биринчи талабига кўра омонат суммасини ёки унинг бир қисмини депозити туридан қатъи назар қайтариб беришга мажбур. Шу сабабли, ушбу ҳуқуқни чеклайдиган ҳар қандай шартнома бандлари юридик кучга эга эмас.
Шу муносабат билан регулятор тижорат банкларига амалдаги сиртқи ва одатдаги барча омонат шартномаларини хатловдан ўтказиш ва қонунчиликка зид келувчи шартларни зудлик билан бекор қилиш бўйича кўрсатма берди.
Изоҳлар мавжуд емас