Ўзбекистон, Тошкент - Batafsil.uz. Озарбайжон Президенти Илҳом Алиев "Янги Озарбайжон" партиясининг VIII қурултойида сўзлаган нутқида Қорабоғдаги уруш учун барча айбни фақатгина Арманистоннинг аввалги раҳбарияти зиммасига юклаб бўлмаслигини, бироқ уларнинг барчаси ҳарбий жиноятчилар сифатида муносиб жазоларини олиши кераклигини таъкидлади.
Алиев, шунингдек, Арманистоннинг амалдаги ҳокимияти ҳам ўз вақтида Озарбайжонга нисбатан ҳудудий даъволар билдирганини ва ножўя баёнотлар берганини эслатиб, озарбайжон халқи буни ҳеч қачон унутмаслиги лозимлигини билдирган.
Ҳукмрон партиянинг ушбу қурултойи Озарбайжон ўз ҳудудий яхлитлиги ва суверенитетини тўлиқ тиклаганидан сўнг илк бор ўтказилмоқда.
Президентнинг таъкидлашича, Иккинчи Қорабоғ урушидаги ғалабадан сўнг минтақада шаклланган янги воқеликлар бутун халқаро ҳамжамият томонидан тан олинган.
Олдинроқ Озарбайжон Президенти Илҳом Алиев Эрон томонидан Нахчивонга қилинган дрон ҳужумларидан сўнг Теҳронга нисбатан кескин баёнот билан чиққанди.
Изоҳлар мавжуд емас