Ўзбекистон, Тошкент — Batafsil.uz. Тарихий рекордга тез кўтарилгандан сўнг, олтин нархи кескин тушди. 21 октябрь куни Нью-Йорк товар биржасида (COMEX) у бир кунда 6 фоизга арзонлашиб, бир трой унцияси учун 4,1 минг долларни ташкил этди. Бу 2013 йилдан буён энг катта кунлик нарх пасайиши бўлди.
Тошкент вақти билан соат 19:45 га келиб, пасайиш тезлиги 6,12 фоизга етди ва котировкалар бир унция олтин учун минимал 4 минг долларга тушди.
Бир кун аввал олтин унцияси учун 4,3 минг долларлик янги рекорд ўрнатилганидан сўнг, нархларда кескин тушиш кузатилди.
Бу пасайиш бошқа активларга ҳам таъсир қилди — кумушнинг баҳоси ҳам арзонлашди, шунингдек, энг йирик олтин қазиб олувчи компаниялар, жумладан Newmont акциялари ҳам минусга тушди.
Financial Times таҳлилчиларининг таъкидлашича, АҚШ долларининг сўнгги ўсиши ва инвесторларнинг фьючерс бозорларидаги позициялари бўйича асосий маълумотларнинг йўқлиги - АҚШ ҳукумати ишини тўхтатгани сабабли - 2013 йилдан бери энг катта пасайиш катализаторларидан бири бўлди.
Изоҳлар мавжуд емас