Ўзбекистон, Тошкент – Batafsil.uz. Ягона интерактив давлат хизматлари (ЯИДХП) порталига ҳавола қилган ҳолда мухбиримиз хабар беришича, энди ойлик иш ҳаққи тўғрисидаги маълумотни онлайн олиш мумкин бўлди.
“Авваллари ходимлар маоши ҳақида маълумот олиш учун алоҳида вақт ажратиб, тегишли эшик олдида кун ўтказишга мажбур бўлишарди. Технологиялар тараққиёти туфайли бугун ҳисобланган иш ҳақи суммалари тўғрисидаги маълумотни уйда ёки иш жойида ўтирган ҳолда олиш имкони мавжуд”, - дея хабар бермоқда ЯИДХП.
Ушбу хизматдан фойдаланиш учун Ягона идентификациялаш тизимида (OneID) электрон рақамли имзо билан тасдиқланган аккаунт орқали авторизациядан ўтиш лозим.
Керакли маълумот бир зумда тақдим этилади. Кўрсатилган хизмат учун ҳақ тўланмайди.
Изоҳлар мавжуд емас