Солиқ қўмитаси қайси ҳолатларда фуқаролар ўз кўчмас мулкларини  сотишдан олинган даромад солиғини тўлашлари лозимлигини тушунтириб берди
Иқтисод

Солиқ қўмитаси қайси ҳолатларда фуқаролар ўз кўчмас мулкларини сотишдан олинган даромад солиғини тўлашлари лозимлигини тушунтириб берди

2785

Ўзбекистон, Тошкент – Batafsil.uz. Давлат солиқ қўмитаси қайси ҳолатларда фуқаролар ўз кўчмас мулкларини сотишдан олинган даромад солиғини тўлашлари лозимлигини тушунтириб берган. Бу ҳақда Batafsil.uz. мухбири хабар қилмоқда. 

Қуйидаги мулклар сотилганда жисмоний шахслардан даромад солиғи олинади:

  • нотурар жойлар;

  • 36 календарь ойдан кам муддатда солиқ тўловчининг тасарруфида бўлган турар жойлар.

Солиқ тўловчи томонидан уч йил ичида сотиладиган турар жой унга мерос,   ҳадя ёки олди-сотди шартномаси асосида ўтганлигидан қатъий назар, даромад солиғи тўланилиши шарт.

Агар жисмоний шахс уч йилдан ортиқ вақт давомида унга тегишли бўлган турар жойни сотса, унда бу даромад солиққа тортилмайди.

Уч йилдан кам муддатга эгалик қилган мол-мулкни сотишдан олинган даромад борасида солиқ тўловчи ҳисобот йилидан кейинги йилнинг 1 апрелидан кечиктирмай доимий яшаш жойидаги солиқ органига жами йиллик даромад декларациясини тақдим этади ва ҳисобланган солиқни 1 июндан кечиктирмай тўлайди.

Даромадлар ҳақидаги декларацияни my.soliq.uz сайти орқали электрон шаклда юбориш мумкин.

Мол-мулкни сотишдан олинган даромад ушбу мол-мулкни сотиш суммасининг уни сотиб олиш қийматидан ортиқчаси сифатида аниқланади ва у ҳужжат билан тасдиқланади. Агар белгиланган нархнинг ҳужжатли далиллари бўлмаса, кўчмас мулк бўйича даромад сифатида сотиш нархи ва кадастр қиймати ўртасидаги ижобий фарқ қабул қилинади.

Жисмоний шахсларнинг даромад солиғи ставкаси 12%ни ташкил этади.

Ўзбекистон бўйлаб янгиликлар: Telegram-каналга уланинг  

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+