Ўзбекистон, Тошкент – Batafsil.uz. 2024 йил якунларига кўра, миллий валютада берилган микроқарз ва микрокредитлар ҳажми сезиларли даражада ошган. Марказий банк маълумотларига кўра, жами расмийлаштирилган микроқарзлар ҳажми 45,83 триллион сўмни ташкил этган, бу эса 2023-йил кўрсаткичидан 59,44 % га юқори бўлган. Бу ҳақда мухбиримиз хабар бермоқда.
Энг катта қарз бериш ҳажми ўтган йилнинг декабр ойида қайд этилган бўлиб, ажратилган маблағ миқдори 5,1 триллион сўмдан ошиб, янги рекорд ўрнатган.
Микрокредитлаш ҳам сезиларли ўсиш кўрсатган – 52,91 % га ошиб, 11,37 триллион сўмдан 17,4 триллион сўмга етган. Микрокредитлар бериш бўйича энг фаол ойлар июн ва октябр бўлиб, фуқароларга 1,8 триллион сўмдан ортиқ кредит ажратилган.
Қайд этилишича, 2024 йилнинг тўртинчи чорагида микроқарз бериш суръатлари 2023 йилнинг шу даврига нисбатан 75,74 % га ошган. Шу билан бирга, микрокредитлар ўсиши бироз секинлашиб, 30,55 % ни ташкил қилган.
Эслатиб ўтамизки, аввалроқ 2024–2025 йилларда ўзини ўзи банд қилиш ва кичик ҳамда ўрта бизнес билан шуғулланиш учун микрокредитларга 10 триллион сўм ажратилиши ҳақида хабар берилган эди.
Изоҳлар мавжуд емас