Ўзбекистон, Тошкент - Batafsil.uz. АҚШ президенти Дональд Трамп мамлакат қонунларига ўзгартиш киритилиб, унга учинчи муддатга сайланиш имконияти берилса, бундан хурсанд бўлишини айтди.
Трамп бу ҳақда Жанубий Каролина штатидаги Миртл-Бич шаҳрида тарафдорлари билан учрашувда маълум қилган. Унинг таъкидлашича, амалдаги қонунлар президентликка учинчи марта номзодини қўйишга йўл қўймайди, бироқ бу қоидалар ўзгартирилса, у бундай имкониятдан мамнун бўлади.
АҚШ Конституциясининг 1951 йилда қабул қилинган 22-қўшимчаси бир шахснинг президентлик лавозимида икки муддатдан ортиқ ишлашини чеклайди. Шу сабабли Трампнинг амалдаги президентлик муддати 2029 йил январь ойида якунланиши керак.
Трамп 2024 йил ноябрь ойидаги президентлик сайловида демократлар номзоди Камала Харрис устидан ғалаба қозониб, иккинчи бор АҚШ президенти бўлган. У биринчи марта 2017–2021 йилларда президентлик қилган.
Изоҳлар мавжуд емас