Ўзбекистон, Тошкент - Batafsil.uz. Тошкент шаҳрида йўлни цемент узатиш қурилмаси билан тўсиб қўйган ишчи ва унинг ҳаракатидан норози бўлган ҳайдовчи ўртасидаги муштлашув ижтимоий тармоқларда кенг муҳокамаларга содир бўлди.
Ижтимоий тармоқларда кенг тарқалган кадрлардан сўнг пойтахт Ички ишлар бош бошқармаси ҳолат юзасидан расмий маълумот берди. Маълум бўлишича, цемент узатиш учун мўлжалланган махсус жиҳоз йўлни тўлиқ ёпиб қўйган ва ҳайдовчи ишчилардан йўлни очишни сўраган.
Бироқ унга икки дақиқа кутиш кераклиги айтилгач, томонлар ўртасида оғзаки келишмовчилик келиб чиққан.
Ҳайдовчининг сўзларига кўра, ишчилардан бири унинг турмуш ўртага нисбатан қўпол сўзлар ишлатган, шундан сўнг у ўзини тутиб туролмасдан ишчининг юзига мушт туширган. Кейинчалик ҳайдовчи ҳам, ишчи ҳам ўз хатосини тан олиб, бир-биридан кечирим сўраган.
Ҳодиса иштирокчиларига нисбатан Маъмурий жавобгарлик тўғрисидаги кодекснинг 183-моддаси ("Майда безорилик") бўйича тегишли маъмурий ҳужжатлар расмийлаштирилган.
Аввалроқ ҳам бир гуруҳ шахсларнинг йўл ёқасида ўзаро тортишиб, мушталашишга урингани акс этган видеолавҳа тарқалганди. Жабрланувчининг онаси айтишича, жанжал вақтида автомашинада бўлган ҳомиладор қизи ва унинг 5 ёшли фарзанди кучли руҳий стресс сабабли шифохонага ётқизилган эди.
Изоҳлар мавжуд емас