Ўзбекистон, Тошкент - Batafsil.uz. Uzum компанияси ҳамасосчиси ва стратегия бўйича директори Николай Селезнев хорижий оммавий ахборот воситаларига берган интервьюсида 2026 йилнинг охири ёки 2027 йилнинг бошида илк халқаро облигацияларни (қарз қоғозларини) жойлаштириши мумкинлигини маълум қилди.
Маълум бўлишича, компания кредитлаш йўналишини ривожлантириш учун қўшимча молиялаштириш манбаларига эҳтиёж сезмоқда.
Uzum аллақачон ички бозордан капитал жалб этмоқда ва халқаро молия ташкилотлари билан ҳамкорлик қилмоқда.
Хусусан, октябрь ойида Евроосиё тараққиёт банки Uzum компаниясини молиялаштириш ҳажмини 100 миллион долларгача оширганини хабар қилган эди.
Облигациялар чиқариш бўйича якуний қарор бозор шароитига қараб белгиланади.
Шунингдек, 2024 йилда қиймати 1 миллиард доллардан ошган илк ўзбек технологик компаниясига айланган ушбу компаниянинг қиймати 2026 йил мартида Ўмон суверен жамғармаси, Tencent, VR Capital ва FinSight Ventures томонидан киритилган 130 миллион доллардан ортиқ инвестиция раундидан сўнг 2,3 миллиард долларга етган.
Компания келажакда Лондон, Nasdaq, Абу-Даби ёки Гонконг фонд биржаларида IPO ўтказиб, ўз акцияларини халқаро инвесторларга сотишни ҳам режалаштирмоқда.
Олдинроқ Uzum Market давом этган носозлик бартараф этилиб, маркетплейсининг расмий веб-сайти, мобил иловаси ҳамда сотувчиларнинг шахсий кабинетлари қайта ишга тушганди.
Изоҳлар мавжуд емас