Ўзбекистон, Тошкент - Batafsil.uz. АҚШ президенти Дональд Трамп мамлакатдаги географик объектлар ва сув ҳавзалари номларини ўзгартириш масаласини яна кун тартибига олиб чиқди. У Теннесси штатида ўтказилган митингда Атлантика ёки Тинч океанига янги ном бериш имконияти борлигини тилга олди.
Трамп ўз чиқишида океанлардан бирини "Трамп океани" ёки "Америка океани" деб аташни таклиф қилган.
Мамлакат раҳбарининг таъкидлашича, ваколат муддати тугагунига қадар АҚШ ўз номи билан аталадиган океанга эга бўлиши керак.
Президент сув ҳавзалари ва бошқа географик объектлар номларини ўзгартиришда ўзининг ижро этувчи ваколатларидан фойдаланиши мумкин.
Бироқ хусусий онлайн хариталаш хизматлари бундай янги номларни ўз тизимларида қўллаш-қўлламасликни мустақил равишда ҳал қилади.
Маълумот учун, Трамп аввал ҳам географик объектларни қайта номлаш ташаббуслари билан чиққан. Хусусан, у 2025 йил январь ойида Мексика қўлтиғини "Америка қўлтиғи", Аляскадаги Денали тоғини эса "Мак-Кинли тоғи" деб номлаш ҳақида кўрсатма берган эди.
Шунингдек, 2026 йил август ойида Онтарио кўлини "Америка кўли" деб аташ тўғрисидаги фармонни имзолаган.
Аввалроқ Трамп Нью-Мексико штати номини "Янги Америка" деб ўзгартиришни таклиф қилганди.
Изоҳлар мавжуд емас