Ўзбекистон, Тошкент - Batafsil.uz. "Барселона"нинг собиқ президенти Жоан Гаспарт клублик афсона Лионель Мессини "Камп Ноу"даги хайрлашув маросимини пайсалга солаётгани учун танқид қилиб, огоҳлантириш берди.
Барселона клубида 21 йил давомида тўп сурган 39 ёшли футболчи айнан ўзининг собиқ клубидаги хайрлашув тадбирини кечиктираётганликда айбланмоқда.
Муносабат билдирган Гаспарт футболчига клуб ҳар қандай шахсдан устун эканини эслатиб ўтган.
"Лео — тенгсиз футболчи, дунёнинг энг яхшиси ва буюк ўйинчи. Аммо у бир нарсани унутмаслиги керак: "Барселона" ундан каттароқ ва у ҳушёр бўлиши лозим. Мен буни 13 ёшида шартнома имзолаганим — ушбу футболчига бўлган тарихий меҳримдан келиб чиқиб айтяпман. "Барселона" алоҳида шахс сифатидаги ундан кучлироқдир", — деди Жоан Гаспарт.
Маълумот учун, Месси 2021 йилда "Барселона"ни тарк этганидан бери клубнинг амалдаги президенти Жоан Лапорта билан совуқ муносабатда экани айтилади.
Шунга қарамай, собиқ клуб раҳбари Мессини сиёсий келишмовчиликларни четга суриб, хайрлашув тадбирини кечиктирмасликка чақирган.
Охирги пайтларда Мессининг "Барселона"га қайтиши ва хайрлашув маросими ҳақида турли хабарлар тарқалмоқда.
Эслатиб ўтамиз, аввалроқ Буэнос-Айресдаги "Монументаль" стадионида кечган хайрлашув ўйинида Месси пенальтидан гол уриб, иккита голли узатмага муаллифлик қилган ва Аргентина терма жамоасининг 3:0 ҳисобидаги ғалабасини таъминлаганди ва терма жамоасига қарши ўтказилган ўртоқлик учрашувидан сўнг миллий терма жамоадаги фаолиятига якун ясаганди.
Изоҳлар мавжуд емас