Ўзбекистон, Тошкент - Batafsil.uz. Олий Мажлис Қонунчилик палатасининг 11 ноябрь куни бўлиб ўтган мажлисида мамлакатимизда ислом банклари фаолиятини босқичма-босқич жорий этишга қаратилган қонун лойиҳаси иккинчи ўқишда кўриб чиқилиб, маъқулланди. Унда илгари биринчи ўқишда билдирилган таклифлар ҳам инобатга олинган.
Ҳужжатда ислом банклари ва молиявий операциялар фаолиятининг ҳуқуқий асослари мустаҳкамланган, шунингдек, бир қатор амалдаги қонун ҳужжатларига ўзгартириш ва қўшимчалар киритиш таклиф этилган.
Шунингдек, лойиҳада Ислом банк фаолиятини амалга ошириш учун лицензия олиш талаблари белгиланиб, ислом молия операцияларининг асосий тушунчалари очиб берилган. Банкларга ислом стандартларига мувофиқ мижозларни молиялаштириш бўйича савдо фаолиятини амалга оширишга, шунингдек, юридик шахсларни ташкил этиш ва уларнинг устав жамғармаларида улушларни сотиб олишга рухсат берилади.
Парламент аъзоларининг фикрича, ислом молияси операцияларини солиққа тортишни тартибга солувчи меъёрларнинг жорий этилиши банк хизматлари кўламини кенгайтиради, яширин иқтисодиёт улушини камайтиради ва хорижий инвестицияларни жалб қилиш учун қўшимча рағбатлар яратади.
Қонун лойиҳаси Сенатга кўриб чиқиш учун юборилди.
Изоҳлар мавжуд емас