Ўзбекистон, Тошкент - Batafsil.uz. Кибертаҳдидларга қарши курашиш бўйича Россиянинг F6 компанияси Android қурилмаларидан маълумотларни ўғирлашга қаратилган RedWing зарарли дастурлар оиласининг янги версияси — RedWing Stealer бўйича тадқиқотни эълон қилди. Назоратчи экспертлар 2026 йилнинг май–сентябрь ойлари оралиғида ушбу трояннинг 800 дан ортиқ намунасини аниқлашди.
Зарарли иловалар фойдаланувчиларни чалғитиш ва яширин равишда маълумот йиғиш учун турли оммабоп дастурлар ниқоби остида тарқатилган.
Хусусан, жиноятчилар троянни дронлар ва хавф-хатарлар ҳақида огоҳлантирувчи радарлар (масалан, RadarTrevog, RadarMotobat), реал вақтда ёқилғи мавжудлигини кўрсатувчи AЁҚШ хариталари (GdeBenz, toplivo, AZS-BENZ), VPN хизматлари (Gosu VPN, KingVPN, KrakenVPN, HideMeVPN, Certan VPN), 18+ видео ва фото сервислар (Google Photo.apk, YandexPhoto.apk), шунингдек, Minecraft, Roblox, Standoff 2, Brawl Stars, PUBG каби оммабоп мобил ўйинлар учун чит ва модлар кўринишида тарқатишган. Ушбу читлар асосан ўйин мавзусидаги Telegram-каналлар орқали тарқатилган.
F6 киберразведка департаменти (Threat Intelligence) таҳлилчиларининг хулосасига кўра, RedWing Stealer бир нечта мамлакатларнинг молиявий секторига қарши қаратилган.
Зарарли дастур 12 та Ўзбекистон, 16 та Россия ва 7 та Қозоғистон банклари, шунингдек, 9 та маркетплейс ҳамда 8 та микромолия ташкилоти мижозларининг маълумотларини нишонга олган.
Илова смартфонга ўрнатилгач, ушбу ташкилотлардан келган СМС-хабарларни, жумладан, банк тасдиқлаш кодлари ва паролларни тутиб олиб, жиноятчиларга узатади.
СМС-хабарларни ўғирлашдан ташқари, RedWing Stealer push-билдиришномаларни ўқиш, қурилманинг геолокацияси, холати, уланган SIM-карталар, қўнғироқлар тарихи, контактлар рўйхати ва ўрнатилган иловалар ҳақидаги маълумотларни йиғиш имкониятига эга.
Шу билан бирга, троян мустақил равишда СМС ва USSD-сўровларни юбориши, интернет-ҳаволаларни очиши ва ўз белгисини яшириб олиши мумкин.
Олдинроқи жтимоий тармоқларда ҳукумат тизимларига киберҳужум уюштирилгани ва рекорд даражадаги аҳоли маълумотлари ўғирлангани ҳақида хавотирли хабарлар тарқалганди.
Изоҳлар мавжуд емас