Ўзбекистон, Тошкент - Batafsil.uz. Жаҳон бозорида қимматбаҳо металл баҳосининг кескин кўтарилиши фонида Ўзбекистон Марказий банки олтин қуймаларининг янги нархларини эълон қилди. Бугун, 12 январь ҳолатига кўра, олтиннинг бир грамми илк бор 1,8 миллион сўмлик довондан ўтган.
Марказий банк маълумотларига кўра, олтиннинг 1 грамми учун белгиланган нарх рекорд даражадаги 1 802 000 сўмни ташкил этмоқда. Бунинг натижасида энг харидоргир бўлган 5 граммлик олтин қуймасининг қиймати илк бор 9 010 000 сўмга етди. Шунингдек, 10 граммлик қуйма 18 020 000 сўм этиб белгиланди.
Дунёдаги сиёсий ва иқтисодий ноаниқликлар шароитида инвесторлар олтинни энг хавфсиз актив сифатида кўрмоқда, бу эса талабнинг ортишига ва нархларнинг юқорилашига сабаб бўлмоқда.
Маълумот ўрнида таъкидлаш жоизки, олтин қуймаларининг нархи Марказий банк томонидан ҳар куни Лондон қимматбаҳо металлар бозори (LBMA) фиксинги ва миллий валютанинг АҚШ долларига нисбатан курси асосида белгиланади. Охирги бир йил давомида Ўзбекистонда олтин нархи ўз рекордларини кетма-кет янгилаган эди. Биргина 23 декабрь куни республикада 5 граммлик олтин қуйма нархи 8 миллион 868 минг сўмга етиб, янги тарихий рекорд ўрнатилганди.
Бироқ 2026 йил бошидаги бу сакраш энг кескинларидан бири бўлди.
Изоҳлар мавжуд емас