Ўзбекистон, Тошкент - Batafsil.uz. Президент Шавкат Мирзиёев томонидан соҳадаги йирик хорижий сармоядорлар таклифига кўра Ёқилғи-энергетика соҳасида инвесторлар кенгашини ташкил этиш тўғрисида қарор қабул қилинди. Ушбу янги Кенгашга Президент Администрацияси раҳбари Саида Мирзиёева бошчилик қилади.
Давлат раҳбари таъкидлашича, энергетика лойиҳалари катта сармоя ва мураккаб инфратузилмани талаб этиб, ер ажратиш ёки техник шарт олишдаги кечикишлар бутун лойиҳа ишига таъсир кўрсатади.
Шу сабабли ACWA, Vision Invest, DataVolt, Voltalia ва EDF каби йирик компаниялар бу каби масалаларни доимий мулоқот орқали ҳал этиш механизмини таклиф қилган.
Янги ташкил этилган Кенгаш ер ажратиш жараёнидан тортиб то энергетика объекти тўлиқ ишга тушгунига қадар инвесторлар дуч келадиган барча ташкилий ва техник масалаларга тезкор ечим топиш билан шуғулланади.
Аввалроқ таълим, илм-фан ва соғлиқни сақлаш соҳаларида умумий бошқариш ва мувофиқлаштириш билан шуғулланиш йўналишлардаги вазифалар ижросини ташкил этиш ва назорат қилиш ҳам Саида Мирзиёева зиммасига юклатилганди.
Изоҳлар мавжуд емас