2022 йилнинг 1 мартидан бошлаб ID-картаси бўлган ҳайдовчилар инспекторга ҳайдовчилик гувоҳномасини тақдим этмасликлари мумкин бўлади
Жамият

2022 йилнинг 1 мартидан бошлаб ID-картаси бўлган ҳайдовчилар инспекторга ҳайдовчилик гувоҳномасини тақдим этмасликлари мумкин бўлади

347

Ўзбекистон, Тошкент – Batafsil.uz. Адлия вазирлиги маълумотларига асосланган ҳолда мухбиримиз хабар беришича, 2022 йилнинг 1 мартидан бошлаб ID-картаси бўлган ҳайдовчилар инспекторга   ҳайдовчилик гувоҳномасини тақдим этмасликлари мумкин бўлади. 

Бу 15 октябрь куни тасдиқланган “Ички ишлар органлари фаолиятига замонавий ахборот технологияларини кенг жорий этиш чора-тадбирлари тўғрисида”ги Ҳукумат қарорида кўрсатилган. 

Ҳужжатга кўра, 2022 йилнинг 1 март кунидан бошлаб, ҳайдовчининг йўл-патрул хизмати инспекторига тақдим этилиши лозим бўлган ҳужжатлари ёнида бўлмаган тақдирда улар махсус планшет қурилмаси ёрдамида идентификация ID-картаси орқали текширилади. 

Бунда, ID-картага эга ҳайдовчидан қуйидагиларни талаб қилиш амалиёти бекор қилинади:

  • янги намунадаги ҳайдовчилик гувоҳномаси;

  • транспорт воситасини рўйхатдан ўтказганлик тўғрисидаги, транспортга эгалик қилиш, эгаси йўқлигида ундан фойдаланиш ёки уни тасарруф этиш ҳуқуқини тасдиқловчи ҳужжатлар;

  • транспорт эгаларининг фуқаролик жавобгарлигини мажбурий суғурта қилиш бўйича суғурта полиси.

Бундан ташқари, қуйидаги хизматлар ЯИДХП орқали электрон шаклда кўрсатилади:

  • Ўзбекистонга чет давлат фуқаросини таклиф қилиш;

  • чет давлатда Ўзбекистон фуқаролигини тасдиқлаш бўйича тегишли ҳужжатлар ва маълумотномалар олиш;

  • судланганлик (судланмаганлик) ҳақидаги маълумотлар олиш;

  • автотранспорт воситаларида тақиқ мавжудлигини текшириш;

  • жазони ижро этиш муассасалари ва манзил колонияларида сақланаётганларни уларнинг яқин қариндошлари билан учрашув вақтини белгилаш.

Ўзбекистон бўйлаб янгиликлар: Telegram-каналга уланинг 



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+