Ўзбекистон, Тошкент - Batafsil.uz. Беларуснинг Орша-Восточная станциясидан Тошкентдаги Чуқурсой станциясига илк "Славян карвони" блок-поезди йўлга чиқди. Бу ташаббус икки давлат ўртасидаги транспорт-логистика алоқаларини ҳамда савдо-иқтисодий ҳамкорликни янада мустаҳкамлайди.
Расмий хабарга кўра, 71 шартли вагон узунлигидаги ушбу таркиб орқали асосан ёғочни қайта ишлаш саноати маҳсулотлари, шакар, озиқ-овқат ҳамда омихта ем сингари юклар ташилаётгани билдирилган.
Дастлабки босқичда ушбу темирйўл қатнови ойига икки маротаба амалга оширилиши режалаштирилгани маълум қилинган.
Олдинроқ Тошкент - Қозон йўналиши бўйича биринчи поезд йўлга чиққанди.
Изоҳлар мавжуд емас