Ўзбекистон, Тошкент - Batafsil.uz. Марокаш орқали Сеутага 3000 га яқин ноқонуний мигрант бостириб кириши ортидан Испания шаҳарга ҳарбийларни сафарбар этди. Бу инқироз фонида Италия Испания билан чегарадаги Шенген битимини вақтинча тўхтатишга тайёрлигини маълум қилди.
Италия Бош вазири Жоржа Мелони тарқалган видеоларга муносабат билдириб, назоратсиз миграция бутун Европа хавфсизлигига жиддий таҳдид солаётганини таъкидлаган. Расмий баёнотлардан сўнг содир бўлаётган воқеаларнинг аниқ тафсилотлари ва сабаблари кенг жамоатчиликка эълон қилинган.
Хорижий оммавий ахборот воситаларининг хабар беришича, мигрантларнинг асосий қисми Таражал тўлқинқайтаргичи орқали сузиб ўтган бўлса, айримлари чегара деворларидан ошиб ўтган. Шу тариқа анклавга ўтиб олган ёшларнинг баъзилари "Яшасин Испания!"деб ҳайқирган.
Сеута ва Мелилья шаҳарлари Европа Иттифоқининг Африкадаги ягона қуруқлик чегараси бўлгани учун асосий нишонга айланган. Сўнгги ҳафтада 1500 дан ортиқ киши ушбу йўналишни пиёда ва сузиб ўтган бўлиб, фожиали ҳодисалар оқибатида камида 18 киши ҳалок бўлган.
Шунингдек, кутилмаганда юзага келган вазиятни барқарорлаштириш мақсадида Испания ҳукумати ҳудудга қўшимча кучларни юборган. Вазиятни шахсан баҳолаш учун Испания ҳукумати раиси Педро Санчес ва Ички ишлар вазири Фернандо Гранде-Марласканинг анклавга ташриф буюриши режалаштирилган.
Олдинроқ Россиянинг Нижний Новгород вилоятидаги Арапово қишлоғидаги паррандачилик фабрикасида ўзбекистонлик ноқонуний мигрантлар аниқланганди.
Изоҳлар мавжуд емас