Ўзбекистон, Тошкент - Batafsil.uz. 31 июль куни соат 16:13 да Тошкент вилоятининг Зангиота туманида 2,8 магнитудали зилзила содир бўлди. Ерости силкиниши Тошкент шаҳрининг айрим туманлари ҳамда атрофдаги ҳудудларда 2–3 балл кучида сезилган.
Сейсмопрогностик мониторинг республика маркази маълумотига кўра, зилзиланинг эпицентри 5 километр чуқурликда, Тошкент шаҳар марказидан 11 километр шимоли-ғарбда жойлашган.
Энг кучли силкинишлар эпицентрга яқин бўлган Учтепа туманида 3 балл даражасида қайд этилган.
Шунингдек, Шайхонтоҳур ва Чилонзор туманларида 2–3 балл, Олмазор, Зангиота, Яккасарой, Сергели, Миробод ва Юнусобод туманларида эса 2 балл кучида силкиниш сезилган.
Изоҳлар мавжуд емас