Ўзбекистон, Тошкент – Batafsil.uz ЯА. Жума куни республиканинг барча вилоятларида ҳаво ҳарорати 40 даража атрофида сақланиб туради. Бироқ, дам олиш кунлари жазирама иссиқ кутилмоқда. Мухбиримиз хабар беришича, ҳарорат одатий меъёрлардан 4-6 даража юқори бўлади.
17 июль куни Ўзбекистоннинг жануби-шарқий ҳудудларига Туркманистондан булутли ҳаво оқимлари кириб келган. Марказий, жанубий ва шарқий туманларда ҳаво ўзгариб туради, ёғингарчилик бўлмайди, республиканинг тоғли ва тоғолди ҳудудларда қисқа муддатли момақалдироқли ёмғир ёғиши мумкин.
“Ўзгидромет” маълум қилишича, республика шимоли ва чўл зонасида ҳаво кам булутли бўлади. Ҳарорат 37-40 даража атрофида бўлиши кутилмоқда.
Дам олиш кунлари жанубдан иссиқ ва қуруқ ҳаво кириши ҳисобига ҳарорат яна кўтарилади. Кундузги ҳарорат 39-42 даражагача ошиб, бу кўрсаткич йилнинг шу пайтига хос меъёрий қийматлардан 4-6 даражага юқоридир.
Изоҳлар мавжуд емас