Ўзбекистон, Тошкент - Batafsil.uz. Халқаро қидирувда бўлган Хоразм вилоятидаги собиқ мансабдор Туркиядан Ўзбекистонга олиб келинди. У давлат маблағларини талон-торож қилиш ва ҳужжатларни қалбакилаштиришда гумонланмоқда.
Ўзбекистон ва Туркия ҳуқуқни муҳофаза қилувчи органлари ҳамкорлигида ўтказилган тезкор тадбирда қидирувда бўлган шахс Туркияда қўлга олинган ва мамлакатга қайтарилган.
Тергов маълумотларига кўра, у Хоразм вилоятида Бандликка кўмаклашиш органида масъул лавозимда ишлаган даврида мансаб ваколатларидан фойдаланиб, давлат маблағларини ўзлаштирган ҳамда ҳужжатларни қалбакилаштирганликда гумон қилинмоқда.
Мансабдор Жиноят кодексининг 167 ва 228-моддалалари бўйича қидирувга берилган. Ҳозирда мазкур жиноят иши юзасидан тергов ҳаракатлари давом этмоқда.
Олдинроқ ҳам Туркиянинг Истанбул шаҳри Тузла туманида 3-қаватдан тушиб кетган афғонистонлик 21 ёшли Муҳаммад исмли фуқарони юқори қаватдаги қўшнилари уни уриб, ойнадан улоқтирганини даъво қилганди. Оғир жароҳат олган йигитнинг кўрсатмаси ортидан гумонланувчи сифатида 2 нафар Ўзбекистон фуқароси қўлга олинган ва қамоққа олинган эди.

Изоҳлар мавжуд емас