Ўзбекистон, Тошкент - Batafsil.uz. Ўзбекистонда қонуний такси бозори ҳажми январь-июль ойларида 5 триллион сўмдан ортиқни ташкил этган. Солиқ ҳисобига қўйилган агрегаторлар сони ўтган йилдан буён 60 тага ошган. Ўтган даврда улар томонидан 98,8 миллиард сўм тўланган.
Биргина етти ой ичида 260 миллиондан ортиқ саёҳат амалга оширилган. Уларнинг аксарияти (72 фоиздан ортиғи) нақд пулда, қолган тахминан 28 фоизи нақд пулсиз тўлов усулларида амалга оширилган. Битта саёҳатнинг ўртача нархи 19 минг сўмни ташкил этган бўлса, ўтган йилги ўртача чек 18,4 минг сўмга тенг бўлган.
Ташишларнинг мутлақ катта қисми - қарийб 45 фоизи Тошкент шаҳрида амалга оширилган. Кейинги ўринларда Фарғона, Самарқанд ва Бухоро вилоятлари бўлиб, уларнинг ҳар бирига 6-8 фоиз атрофида тўғри келади.
Такси агрегаторлари орқали йўловчи ташиш билан 450 мингдан ортиқ ўзини ўзи банд қилган ҳайдовчилар шуғулланади. Шундан қарийб 3,5 минг нафари аёллардир. Ҳайдовчиларнинг катта қисми (56%) 30 ёшдан 50 ёшгача. Ҳайдовчиларнинг учдан бир қисмидан кўпроғи (36%) 30 ёшгача, 7 фоиздан сал кўпроғи 50 ёшдан ошган.
Такси ҳайдовчиларининг 60 фоиздан ортиғи Cobalt, Nexia ва Lacetti автомобилларини бошқаради. Электромобилларнинг ташиш бозоридаги улуши тахминан 2 фоизни ташкил этади.
Ҳайдовчиларнинг етти ойлик даромади:
1,8 минг ҳайдовчи - 100 миллион сўмдан ортиқ;
19,1 минг ҳайдовчига - 50 млн сўмдан 100 млн сўмгача;
113,7 минг ҳайдовчи - 10-50 млн сўм;
59,4 минг ҳайдовчи - 5-10 млн сўм;
122,8 минг ҳайдовчи - 1-5 млн сўм;
140,2 минг ҳайдовчи - 1 млн сўмгача.
Эслатиб ўтамизки, Ўзбекистонда жами йиллик даромади 100 миллион сўмдан ошадиган ўзини ўзи банд қилган ходимлар учун солиқларни уларнинг солиқ агентлари - агрегаторлар ушлаб қолади ва тўлайди.
Изоҳлар мавжуд емас