Германияда қолиб кетган ўзбекистонликлар  Мирзиёевга  мурожаат қилишди.  Улар олиб кетиш учун чартер ташкил қилишни сўрашмоқда
Жамият

Германияда қолиб кетган ўзбекистонликлар Мирзиёевга мурожаат қилишди. Улар олиб кетиш учун чартер ташкил қилишни сўрашмоқда

476

Ўзбекистон, Тошкент – Batafsil.uz ЯА. Германияда қолиб кетган ўзбекистонликлар Мирзиёевга хат билан (таҳририят ихтиёрида мавжуд) мурожаат қилишган. Мухбиримиз маълум қилишича, улар Ватанларига қайтиш учун чартер рейсини ташкил қилишни сўрашмоқда.

"Биз ҳар куни Ўзбекистон янгиликларини кузатиб борамиз, мамлакат раҳбарияти томонидан вирус тарқалишининг олдини олиш бўйича кўрилаётган чораларни тўла қўллаб-қувватлаймиз. Кўрилган чоралар натижасида касалликдан вафот этганлар сони унчалик кўп эмас», - дейилган мактубда.

Ўзбекистонликларнинг айтишича, март ойининг ўрталаридан бошлаб барча мамлакатларда, шу жумладан ЕИда чекловлар жорий қилинганидан бери, улар вазият гаровига айланиб қолишган. Европада қолиб кетган фуқароларнинг аниқ сони маълум эмас. Биргина Германияда 150 дан ортиқ киши қолиб кетган.

“Биз 40 кун давомида Германияда Европадан, хусусан Франкфуртдан ваъда қилинган чартер рейсини кутмоқдамиз. Кўпчилигимиз Ташқи ишлар вазирлиги, Транспорт вазирлиги, Ўзбекистоннинг дипломатик ваколатхоналари ва бошқа ташкилотларга қўнғироқ қилдик. Ҳамма жойда "бизда ҳозирча расмий маълумот йўқ", деган мазмундаги бир хил жавоб қайтарилмоқда”, - дейилмоқда мактубда.

"Биз, оддий фуқаро ва ватанпарварлар олдиндан чипта сотиб олган бўлсак ҳам, кутишдан ўзга чорамиз йўқ. Биз бардам турибмиз, лекин кўпчиликда яшаш учун маблағ қолмаган, оилаларимиз биздан хавотирда, болалар соғинишган. Тушунишимизча, мунтазам парвозлар қайта бошланиш санаси номаълум”- , деб ёзишмоқда ўзбекистонликлар.

Шу муносабат билан, юқумли касаллик туфайли вужудга келган ушбу мураккаб вазиятда оила даврасига бўлиш учун ўзбекистонликлар Франкфуртдан Тошкентга чартер рейсини ташкил қилишни сўрашмоқда.

"Муборак Рамазон ойида оиламиз билан бирга бўлиш жуда яхши бўлар эди. Бизга ўзимизни мамлакатнинг тўлақонли фуқаролари сифатида ҳис қилиш имкониятини беринг. Биз ҳақимизда ҳам биров ўйлаётганини сезишни истаймиз. Шунда ҳис- туйғуларимиз янада кучайиши тайиндир. Уйга қайтганимизда биз 14 кунлик карантинга розимиз", - дея хулоса қилишган улар.

Эслатиб ўтамизки, апрель ойининг охирида Ташқи ишлар вазирлиги ўзбекистонликларни чет элдан олиб чиқиш учун янги чартер рейслари тўғрисида ҳозирча маълумотга эга эмаслигини маълум қилган эди.

Мамлакат ҳукумати Республика махсус комиссияси ватандошларни чет элдан олиб чиқиш учун чартер рейсларини ташкил этиш тўғрисида алоҳида қарор қабул қилишини билдирган. Қарор қабул қилинишидан сўнг, бу ҳақидаги маълумот расмий манбалар орқали тарқатилади.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+