Гулнора Каримованинг Франциядаги 10 миллион долларга тенг мулклари Ўзбекистонга қайтарилди
Жамият

Гулнора Каримованинг Франциядаги 10 миллион долларга тенг мулклари Ўзбекистонга қайтарилди

468

Ўзбекистон, Тошкент – Batafsil.uz ЯА. Мухбиримиз берган хабарга кўра, Адлия вазирлиги ва Бош прокуратура томонидан Гулнора Каримованинг Франциядаги 10 миллион долларга тенг мулклари Ўзбекистонга қайтарилган. 

“Мазкур маблағлар республика давлат бюджетига ўтказиб берилди ва умумий тартибда ишлатилади. Қайд этиш жоизки, мулкларни қайтариш бўйича барча музокаралар ва тадбирлар расмий даражада Ўзбекистон қонунчилиги ва халқаро ҳуқуқ нормаларига мувофиқ олиб борилмоқда”, -дея маълум қилмоқда Адлия вазирлиги.

Ҳозирги пайтда Бош прокуратура ва Адлия вазирлиги томонидан ваколатли идоралари иштирокида Г.Каримова томонидан жиноий йўл билан орттирилган 1,3 млрд. АҚШ долларидан ортиқ миқдордаги мулкларни қайтариш бўйича Швейцария, АҚШ, Франция, Россия Федерацияси ва бошқа давлатларнинг ваколатли органлари билан ҳамкорликда иш олиб борилмоқда.

Мазкур активлар хорижий давлатларнинг ваколатли органлари томонидан ҳибсга олинганлиги муносабати билан, улар Г.Каримова (унинг оила аъзолари)нинг тасарруфида эмас.

“Шу боис, айрим ОАВларда хабар берилганидек, Ўзбекистонга мулклар ва маблағлар бевосита Г.Каримова ёхуд бошқа алоҳида шахслар томонидан қайтарилиши мумкинлиги ҳақидаги мулоҳазалар ҳақиқатга мос эмас”, - дея таъкидламоқда вазирлик .

Гулнора Каримовага нисбатан кўзғатилган жиноий ишлар тафсилотлари материалларимизда тақдим этилган.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+