Ўзбекистон, Тошкент – Batafsil.uz. Россия элчиси Олег Мальгинов Ўзбекистонда рус мактабларини очиш бўйича лойиҳанинг айрим тафсилотларини ошкор қилди. Бу масала илгарироқ Россия Федерацияси Ташқи ишлар вазири Сергей Лавров томонидан кўтарилган эди. Бу ҳақда мухбиримиз хабар бермоқда.
Элчининг сўзларига кўра, ташаббус Россия дастурларига кўра, алоҳида бинода, Россия ўқитувчилари ва рус тилида ишлайдиган ҳақиқий рус мактабларини яратишни назарда тутади.
"Бу масала ҳақида президент Владимир Путинга маълум қилинган. Бу лойиҳа учун сиёсий қўллаб-қувватлаш мавжуд, лекин маблағ керак. Мактаб жуда қиммат туради. Бу ерда асосий инфратузилма билан ким шуғулланиши, бинони ким қуриши ҳамда коммуникацияларни ким яратишини тушуниш керак. Мактаблар учун жиҳозлар Россия томонидан берилади, ўқитувчилар ҳам россиялик бўлади. Шунингдек, ўқув дастурини Ўзбекистон томони билан мувофиқлаштириш зарур бўлади", - дея таъкидлади у.
Унинг сўзларига кўра, эҳтимол биринчи мактаблар 2022йилда қурилмас, чунки бир йил ичида ушбу муаммоларни ҳал қилиш жуда қийин бўлади.
"Бироқ бу йўлдан бориш керак, таълимини тарғиб қилаётган кўплаб давлатлар шундай қилмоқда", - деди Мальгинов.
Изоҳлар мавжуд емас