Ўзбекистон, Тошкент - Batafsil.uz. Июнь ойида харид чеклари Soliq мобил иловасида энг кўп рўйхатдан ўтказилган корхоналар рейтингида "Anglesey Food" компанияси (Korzinka) яққол пешқадам бўлди. Корхонада 6,7 миллионта чек рўйхатдан ўтказилиб, истеъмолчиларга 8,8 миллиард сўм кешбэк тўланган.
Солиқ қўмитаси маълумотларига кўра, иккинчи ўринни Xalq Retail (Olma) — 2,8 миллионта чек ва 1,2 миллиард сўм кешбэк билан, учинчи ўринни эса Havas Food (Havas) — 2,4 миллионта чек ва 1,2 миллиард сўм кешбэк билан эгаллаган.
ТОП-5ликдан, шунингдек, Madina Qandolat — 683,2 мингта чек ва 703,8 миллион сўм, Darvoza Savdo (Makro) — 491,6 мингта чек ва 307,1 миллион сўм кешбэк кўрсаткичлари билан ўрин олган.
Рейтингнинг ТОП-20 талигидан KFC, Ung Petro, Evos, Namangan Istiqlol Bog‘i каби корхоналар ҳам жой олган.
Бундан олдин Тошкент шаҳрида сохта харид чеклари орқали бюджетдан катта миқдордаги "кэшбек" маблағларини ўзлаштириб олган компания масъул шахслари фош этилганди. Ушбу ноқонуний схема Бош прокуратура ҳузуридаги Департамент ва Солиқ қўмитаси ҳамкорлигида ўтказилган текширувда аниқланган эди.
Изоҳлар мавжуд емас