ХТВ: мактабга кроссовкада бориш тақиқланган. Қизлар учун шимлар совуқ кунларда рухсат этилади
Жамият

ХТВ: мактабга кроссовкада бориш тақиқланган. Қизлар учун шимлар совуқ кунларда рухсат этилади

967

Ўзбекистон, Тошкент – Batafsil.uz. Ўқув йили бошидан буён мактабларда қулай поябзал-кроссовкалар нима учун тақиқланганини тушунмаган ота-оналардан саволлар келиб тушмоқда, шунингдек қизлар учун шим кийиш билан боғлиқ муаммолар ҳам мавжуд. Бу масалада изоҳ олиш учун Халқ таълими вазирлиги билан боғландик.

Вазирлик матбуот котиби Лайло Рустамованинг сўзларига кўра, бу масала 2018 йил 15 августдаги ҳукумат қарори билан тартибга солинади. Ушбу ҳужжат Интернетда мавжуд ва ота-оналар мактаб талаблари қонуний эканлигига ишонч ҳосил қилишлари мумкин.

Ҳужжатга кўра, қизларга фақат совуқ қиш даврида классик шим кийишга рухсат берилади. Шу билан бирга, шим ягона мактаб формасига мос келиши керак.

Бироқ, кроссовкаларга келсак, ушбу ҳужжатда ҳеч қандай тақиқлар йўқ. Ахир бу жуда қулай поябзал, нима учун бунга рухсат берилмайди, деб сўралганида, вазирлик “кроссовкаларга мактаб ички қоидаларга кўра рухсат берилмайди. Ушбу тартиб вазирлик томонидан тасдиқланган ва директор мазкур ҳужжатни ўзгартира олмайди", - дея жавоб берди.

Шу билан бирга, қизиғи шундаки, 2018 йилда Халқ таълими вазири Шерзод Шерматов ўз интервюларидан бирида "Асосий вазифамиз таълим сифати бўлса-да, жамоатчиликнинг барча эътибори мактаб формасига бориб тақалди. Иккинчи даражали масалалар билан овора бўлмаслигимиз керак", деб айтган эди. Шундай экан, кроссовкалар ва шимларга нисбатан кераксиз чекловларни олиб ташлаш керакдир? Таълим сифати мактаб кийимига боғлиқми?

Ўзбекистон бўйлаб янгиликлар: Telegram-каналга уланинг 



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+