Ўзбекистон, Тошкент – Batafsil.uz. Кучишлатар тузилмаларга Тошкент автобусларининг назорати топширилган. Пойтахт жамоат транспорти тизимидаги муаммоларни бартараф этиш Ички ишлар вазирлиги, Миллий гвардия ва Фавқулодда вазиятлар вазирлиги томонидан амалга оширилади. Бу ҳақда мухбиримиз хабар бермоқда.
Шавкат Мирзиёевнинг топшириғи асосида транспорт хизматларини кўрсатиш билан боғлиқ муаммоларни ҳал қилиш, шунингдек, "Тошшаҳартрансхизматда" автобусларининг етишмаслигини бартараф этиш учун учта ҳуқуқни муҳофаза қилиш идоралари вакилларидан иборат тезкор штаб ташкил этилган.
Бунинг учун "Тошшаҳартрансхизмат" га тегишли саккизта автобус парки ва йўналишлари ушбу бўлимларнинг 246 нафар ходимлари томонидан назорат қилинади. Ички ишлар вазирлиги 7, 8 ва 18 автобус паркларини назорат қилади. Вазирлик йўловчиларга хизмат кўрсатиш учун қўшимча равишда 30 та “Исузу” автобусларини жалб қилган.
Белгиланган мақсадларни амалга ошириш учун кучишлатар тизим ходимлари қуйидаги вазифаларни бажарадилар:
-
автобусларнинг техник ҳолатини ва уларни ёқилғи-мойлаш материаллари билан таъминлаш доимий равишда назорат қилиш;
-
маршрутга чиқишдан олдин ҳайдовчиларнинг психологик ва тиббий ҳолатини назорат қилиш, уларга йўл ҳаракати қоидаларига (ЙҲҚ) риоя қилиш бўйича кўрстмалар бериш.
-
ҳайдовчи ходимларининг иш кийими, автобусларнинг тозалиги ва санитария ҳолатини ҳамда ҳаракатланиш жадвалига қатъий риоя этилишини назорат қилиш;
-
кондукторлар фаолиятини назорат қилиш ва ижтимоий ҳимояга муҳтож йўловчиларга ғамхўрлик кўрсатиш бўйича кўрсатмалар бериш;
-
парк диспетчерлари томонидан йўл варақаларида тегишли белгиларни ўз вақтида қўйилишини назорат қилиш.
Бундан ташқари, бир кун олдин Самарқанд автомобил заводи Тошкент автопаркларига 100 та SAZ HC40 автобусларини етказиб берган, уларнинг ҳар бирида 16 та ўтириш ва 22 та туриш жойлари борлигини маълум қилган.
Эслатиб ўтамизки, бир кун илгари давлатимиз раҳбари жамоат транспорти билан боғлиқ ишларнинг ҳолатини кескин танқид қилди. Шу муносабат билан Мирзиёев кучайтирилган иш режимига ўтишни ва қисқа вақт ичида энг омабоп йўналишларда қўшимча автобуслар қатновини йўлга қўйишни буюрди.
Бундан ташқари, президент топшириғини бажариш мақсадида “Тошшаҳартрансхизмат” декабр ойидан бошлаб автобус ҳайдовчиларининг иш ҳақи икки бараварга оширилганини маълум қилган.
Изоҳлар мавжуд емас