Ўзбекистон, Тошкент - Batafsil.uz. Яқинда Криштиану Роналду билан турмуш қурган Жоржина Родригес футболчининг уч нафар тўнғич фарзандларини ҳам расман ўз номига ўтказиб, уларнинг қонуний онасига айланди. Ушбу муҳим қадам оиланинг ўзаро ришталарини янада мустаҳкамлаб, жуфтликнинг ҳаётидаги навбатдаги тарихий воқеликка айланди.
Португалия оммавий ахборот воситаларининг хабар беришича, Жоржина 2010 йилда туғилган кичик Криштиану ҳамда 2017 йилнинг июнида дунёга келган эгизак фарзандлар — Ева Мария ва Матеоларни қонуний равишда асраб олган. Тўғри, у шу пайтга қадар ҳам бу болаларга ўз фарзандларидек меҳр кўрсатиб, уларнинг тарбиясида яқиндан қатнашиб келган.
Ҳатто ижтимоий тармоқларда ҳам ўзини фахр билан "бешта фарзанднинг онаси" деб аташи унинг болаларга бўлган чинакам муҳаббатини кўрсатади. Натижада Жоржина футболчи билан тенг ҳуқуқли ота-оналик мақомига эга бўлган. Мазкур жараён ОАВдан қатъий сир сақланган ҳолда, махфий тарзда амалга оширилгани айтилмоқда.
Маълумот учун, Роналду ва Жоржинанинг иккита умумий фарзанди ҳам бор. 2017 йилнинг охирида уларнинг илк қизи Алана дунёга келган бўлса, 2022 йилда Белла Эсмеральда туғилган (афсуски, унинг эгизак укаси туғуруқ вақтида ҳаётдан кўз юмган). Ушбу ҳуқуқий ўзгаришлар йилнинг энг шов-шувли тўйларидан биридан роppa-роса бир ҳафта ўтиб расмийлаштирилган.
Жуфтлик Португалиянинг Кашкайш ҳудудидаги 60 миллион еврога баҳоланган қасрида, фақат фарзандлари гувоҳлигида тор доирада турмуш қурганди. Тўй санаси ҳам бежизга танланмаган: уларнинг танишиганига нақ 10 йил, унаштирилганига эса роppa-роса бир йил тўлганди.
Изоҳлар мавжуд емас