Ўзбекистон, Тошкент – Batafsil.uz. Мактабгача тълим вазирлиги маълумотларига ҳавола қилган ҳолда мухбиримиз хабар беришича, мамлакат бўйлаб давлат боғчалари 14 сентябрдан бошлаб очилади.
"Боғчаларнинг очилиши ота-оналарнинг ихтиёрий розилиги ва Халқ депутатлари Кенгашлари рухсати билан босқичма-босқич амалга оширилади. Шунингдек, санитария-эпидемиология осойишталиги марказининг ҳам рухсатномаси керак бўлади. Аввало, 14 сентябрдан бошлаб катта гуруҳларни қамрашни бошлаймиз. Бу гурухларга 5-6 ёшли болалар (катта гуруҳлар) ва 6-7 ёшли болалар (мактабгача тайёргарлик гуруҳлари) киради", - деди Мактабгача таълим вазири Агриппина Шин Тошкентда бўлиб ўтган брифингда.
Унинг сўзларига кўра, ота-онаси масофавий таълимни танлаган болалар учун болалар боғчаларидаги ўринлари сақланиб қолади.
Ўрта ёшдаги болалар (4-5 ёш) учун гуруҳларнинг очилиши октябрь ойига, 3 ёшгача бўлган болалар учун гуруҳларнинг очилиши ноябрь ойига режалаштирилган.
Тавсияларга кўра, бир гуруҳдаги болаларнинг энг кўп сони 15 нафарни ташкил этиши лозим.
Изоҳлар мавжуд емас