Мутахассислар  совуқ сувга  ўрнатилган  ўлчагич қанча иқтисод қилиши  мумкинлигини ҳисоблашди
Жамият

Мутахассислар совуқ сувга ўрнатилган ўлчагич қанча иқтисод қилиши мумкинлигини ҳисоблашди

297

Ўзбекистон, Тошкент – Batafsil.uz.  “Ўзсувтаъминот” мутахассислари совуқ сувга   ўрнатилган ўлчагич қанча иқтисод қилиши мумкинлигини ҳисоблаб чиқишган. Бу ҳақида мухбиримиз хабар бермоқда.  

Баъзи истеъмолчилар ичимлик сувини тариф асосида ҳисоб-китоб қилиш фойдалироқ деб, ҳисоблашади. Яъни, уларнинг  фикрича, "миқдор ўлчанмаса, истаганча сув ишлатиб, камроқ тўлаш мумкин”дир. Aслида ҳам шундайми?

Тариф асосида сув ҳақи ундирилганда истеъмолдан тортиб суғориш ва бошқа хўжалик ишларига сарфланган сувларнинг ҳам ўртача миқдори ҳисобга олинади. Масалан, тариф бўйича бир кишига бир кунда ўртача 250-300 литр сув тўғри келади. Сув ўлчагич билан эса ҳисоб-китоб фақат истеъмол қилинган сув учун бўлади. Ортиқча сарфлар инобатга олинмайди. 

Келинг, ҳисоблагич билан қанча маблағни тежаб қолиш мумкинлигини тахминий ҳисоблаб чиқайлик. Дейлик, оилада 5 киши яшайди, тариф асосида сув ҳақи ҳар бир киши учун ўртача 3000-3500 сўмдан ҳисобланади ва бир ойда 17 500 сўмлик тўлов келиб чиқади. 

Aгар ҳисоблагич ўрнатилса, ўша оила бир ойда ўртача 7 куб метр сув ишлатиши мумкин, бу 2 800 сўм (амалдаги тариф бўйича ҳудудларга қараб 1 куб ичимлик сувининг аҳолига мўлжалланган нархи 225 сўмдан 1240 сўмгача) дегани. Шу тариқа беш кишилик оила бир йилда жами ҳисобда сув учун тариф асосида 200 000 сўм атрофида маблағ сарфласа, ҳисоблагич билан ўртача 40 000 минг сўм тўлайди. Шу тарзда 150 минг сўм иқтисод қилинмоқда.

Демак, сув ҳисоблагичлари нафақат истеъмолчи ҳамёнига фойдали, шунингдек, сувнинг беҳуда исроф бўлишига йўл қўймайди. Ичимлик суви муаммоси глобал тус олган бир паллада бу ўта муҳимдир.

Шуниси муҳимки, бугунги кунда мамлакатимиз сув таъминоти соҳасида янгича ёндашув ва самарали усулларда ишлаб чиқилаётган чора-тадбирларда ҳам сув ҳисоблагичларини оммалаштиришга алоҳида эътибор қаратилмоқда. 

Хусусан, "Ўзсувтаъминот" AЖ таркибидаги сув таъминоти корхоналари томонидан республикамизда 2020-йил якунига қадар якка тартибдаги сув иншоотлари, маҳалла ва кўчалар кириш нуқталарига камида 1000 та сув ҳисоблагич ўрнатиш бўйича режа-график тасдиқланган. 

Ҳозирда компаниянинг вилоят бўлимлари  томонидан маҳаллий ишлаб чиқарилган 700дан зиёд сув ҳисоблагичларни ўрнатиш ишлари якунланмоқда.

Шу билан бирга, харид қилинган замонавий сув ҳисоблагичларни Watercontrol биллинг дастурига улаш ҳамда ягона рақамлашган маълумотлар базасини яратиш бўйича ишлар амалга оширилмоқда.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+