Ўзбекистон, Тошкент – Batafsil.uz. Ижтимоий тармоқларда 200 сўмлик тангалар солинган халтача акс этган видео пайдо бўлди. Шундай қилиб, Навоий вилоятининг Кармана туманида яшовчи 82 ёшли фуқарога пенсиянинг бир қисми берилди.
Видеони суратга олган пенсионернинг набирасини сўзларига кўра, унинг бобоси жами 34 минг сўмлик 170 та танга олган. Эркак қариндошига танга олиб келиб, уни қоғоз пулларга алмаштиришни сўраган - кўриш қобилияти ёмонлиги сабабли кекса одам тангаларнинг номиналини фарқлаши ва кундалик ҳаётда улар билан муомала қилиши қийин.
"Пенсия бериш билан шуғулланаётганлардан илтимос қиламан: ўзингиз уларнинг ёшига етинг ва илтимос, пенсионерларнинг кўриш қобилияти заифлиги ва кексалигини ҳисобга олинг - уларни қийнаманг," - дея мурожаат қилди видео муаллифи.
Маълум бўлишича, бундай ҳолатлар биринчи марта содир бўлаётгани йўқ. Набирасининг сўзларига кўра, бу бобоси тўртинчи марта алмаштириш учун тангалар солинган халтачани олиб келган. Шу билан бирга, Кармана туманининг бошқа аҳолиси ҳам пенсиянинг бир қисмини танга шаклида олади.
"Бобомдан уялиб, унинг 34 минг сўмини 50 минг сўмлик қоғоз пулга алмаштирдим," - дейди у.
Расмий равишда тангалар муомалада бўлиб, улардан воз кечиш ноқонуний ҳисобланади. Бироқ видео муаллифининг тахминича, банклар шу йўл билан пенсия олувчилар орқали ўтириб қолган танга захираларини "ҳисобдан чиқаришга" ҳаракат қилмоқда.
"Мен бунга қарши эмасман, лекин кексаларни аяш керак," - дея таъкидлади у.
Эслатиб ўтамиз, Жиззах вилоятида алиментдан қарздор бўлган ота Мажбурий ижро бюроси бўлимига 4 миллион сўм танга олиб келган - унинг сўзларига кўра, бу пулларни қўлда санашга мажбур бўлган собиқ турмуш ўртоғига "роҳат бағишлаш" учун қилинган.
Изоҳлар мавжуд емас