Ўзбекистон, Тошкент - Batafsil.uz. 2026 йилнинг январь–август ойларида тижорат банклари томонидан 59,2 минг нафар фуқарога уй-жой сотиб олиш учун 18,3 триллион сўм миқдорида ипотека кредитлари ажратилди. Бу кўрсаткич ўтган йилнинг мос даврига нисбатан 4,9 триллион сўмга кўпдир.
Aжратилган ипотека кредитларининг ўртача йиллик фоиз ставкалари 16,9 фоиздан 21,6 фоизгача бўлган оралиқда шаклланган.
Шунингдек, ажратилган кредитларнинг асосий қисми — 74 фоизи бирламчи уй-жой бозорига йўналтирилиб, янги хонадонларга бўлган юқори талабни кўрсатган. Қолган 26 фоиз маблағ эса иккиламчи уй-жой бозори ҳиссасига тўғри келган.
Қарз олувчиларнинг ёш таркиби бўйича таҳлилларга кўра, ажратилган кредитларнинг 26 фоизи 18 ёшдан 30 ёшгача бўлган фуқароларга, 64 фоизи эса 31 ёшдан 50 ёшгача бўлган шахсларга тўғри келган.
Эслатиб ўтамиз, Ўзбекистон Республикаси Марказий банкининг 2026 йил 1 май ҳолатига кўра тақдим этган маълумотларида жисмоний шахсларнинг умумий кредит қарздорлиги 230,77 триллион сўмни ташкил этганди.
Изоҳлар мавжуд емас