Об-ҳаво меъёрида бўлади. “Ўзгидромет” ноябрь ойи бўйича башорат қилди
Жамият

Об-ҳаво меъёрида бўлади. “Ўзгидромет” ноябрь ойи бўйича башорат қилди

519

Ўзбекистон, Тошкент – Batafsil.uz. Мухбиримиз хабар беришича, “Ўзгидромет” ноябрь ойида кутилаётган об-ҳаво бўйича батафсил маълумотни эълон қилган.

“Ноябрь — кузнинг охирги ойи одатда ҳароратнинг кескин ўзгаришлари билан ажралиб туради. Ноябрь ойининг ўртача ҳарорати октябрга нисбатан 5-7 даража пастдир. Бу ойда ёғингарчилик ҳам кўпроқ кузатилади, кўпроқ давом этиб, кучлироқ бўлади. Ноябрда ёмғирнинг қорга айланиш ҳолатлари такрорланиб туради. Тоғли туманларда айрим жойларда қор қоплами ҳосил бўлсада, кўпинча у беқарор бўлади”, - дея билдирмоқда “Ўзгидромет”.

Бутун кузатувлар тарихидаги энг иссиқ йилларда ноябрь ойида ҳарорат, одатда, ойнинг биринчи ярмида 27-32 даражагача, жанубда 34 даражагача кўтарилган.

Ўтган асрнинг ўртасигача энг совуқ ноябрларда ҳарорат 13-18 даража совуққача, ҳатто ундан ҳам паст, шимолда 22-27 даража совуққача пасайган.

“Лекин сўнгги 50 йил ичида республика ҳудудида ноябрда бундай совуқлар кузатилмаяпти. Камдан-кам ҳолатларда тунда ҳарорат 4-6 даража совуққа, шимолда 13-16 даража совуққача тушади. Фақат 2016 йил ноябрининг охирги ўн кунлигида ҳарорат 8-13 даража совуқ, шимолда 20-22 даража совуқ бўлган”, - дея маълум қилишмоқда синоптиклар.

“Ўзгидромет”нинг жаҳон об-ҳаво марказлари маълумотларидан фойдаланиб тайёрланган дастлабки баҳоларига кўра, бу йилги ноябрь ҳам ҳарорат режими, ҳам ёғингарчилик режими бўйича меъёрларга яқин бўлиши кутилмоқда.

Ноябрнинг деярли бутун биринчи ҳафтаси давомида Ўзбекистонда об-ҳаво кам булутли бўлади. Дам олиш кунларида булутлилик ортади, бироқ қуруқ ҳаво кейинги ҳафтанинг бошигача сақланиб туради. Ҳарорат кечаси 2-7 даража, кундузи 18-23 даража бўлади.

Кейинчалик иссиқ тўлқинлар совуқ тўлқинлар билан алмашиб туради, ҳарорат кечаси 5-8 даража илиқдан 0-3 даража совуққача, кундузи 17-20 даража иссиқдан 3-6 даража илиққача ўзгариб туради. Ёғингарчилик асосан ёмғир кўринишида бўлади.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+