Ўзбекистон, Тошкент – Batafsil.uz. Демократик партия фракцияси раиси, Қонунчилик палатаси спикерининг ўринбосари Алишер Қодиров Тошкентдаги концертда кўтарилган СССР байроғини провокация деб атади.
"Ўзбекистон "Миллий тикланиш" демократик партияси Тошкентдаги "Истиқлол" саройи олдида кеча ўтказилган концерт пайтида уюштирилган провокацияни қаттиқ қоралайди. Биз санъатга қарши эмасмиз, санъатни сиёсат қуролига айлантиришга қаршимиз", - деди у.
"Иилғор ўзбек зиёлилари ва ота-боболаримизнинг қони билан бўялган босқинчи совет давлати байроғини пойтахтнинг қоқ марказида кўтаришни ўзбек халқига бўлган ҳақорат, деб ҳисоблаймиз", - дея қўшимча қилди у.
Шунингдек Қодировнинг қўшимча қилишича, Бош прокуратура бу провокацияга тегишли баҳо бериши керак.
Аввалроқ Алишер Қодиров Batafsil.uz. мухбирига миллатчилик, ЛГБТ, мигрантлар ва Ватанга бўлган муҳаббат ҳақида нима ўйлаши тўғрисида гапириб берган эди.
Таҳририят томонидан депутатдан мамлакатда бошқа муаммолар йўқми, деб сўрамоқчимиз? Таълим, тиббиёт, нархлар ошмоқда, аҳоли эса камбағаллашиб бормоқда. Давлатни сақлаб турган бутун инфратузилма, шунингдек, кўплаб завод ва фабрикалар совет даврида қурилганлигини депутат пайқамоқчи эмас шекилли.
Эслатиб ўтамизки, Тошкентдаги Халқлар дўстлиги майдонида Россиянинг бетакрор санъаткорлари – Турецкий хори ва "SOPRANO" ижодий жамоаси томонидан Ғалаба Қўшиқлари ижро этилди. Тошкентнинг минглаб миннатдор ёшу қариси, таклиф етилган Улуғ Ватан уруши фахрийлари биргаликда уруш даврининг севимли қўшиқларини куйлашди.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас