Ўзбекистон, Тошкент - Batafsil.uz. Бугун, 26 май куни Ўзбекистон миллий терма жамоаси ўз тарихида илк бор иштирок этадиган Жаҳон чемпионати финал босқичига якуний тайёргарлик босқичини ўтказиш учун Америка Қўшма Штатларига йўл олди.
Бош мураббий Фабио Каннаваро томонидан эълон қилинган кенгайтирилган таркибдан 30 нафар футболчи жой олган бўлиб, жамоа Нью-Йоркда ўқув-машғулот йиғинларини бошлайди. Океан ортидаги мазкур йиғин доирасида вакилларимиз Канада ва Нидерландия терма жамоаларига қарши ўртоқлик учрашувларида майдонга тушиши режалаштирилган.
Шундан сўнг, жамоа Атлантадаги расмий қароргоҳига жойлашади.
Эслатиб ўтамиз, АҚШ, Канада ва Мексика мезбонлик қиладиган ЖЧ-2026 баҳсларида ҳамюртларимиз "K" гуруҳидан жой олган. Терма жамоамиз гуруҳ босқичидаги илк тарихий учрашувини 17 июнь куни Мехикода Колумбияга қарши ўтказади.
Кейинги баҳслар эса 23 июнда Португалия ва 27 июнда ДР Конго терма жамоаларига қарши бўлиб ўтади.
Ўзбек футболи тарихида янги саҳифа очган йигитларимизга дунё биринчилиги пойдеворидаги илк қадамлар омадли келишини тилаймиз.
Изоҳлар мавжуд емас