Ўзбекистон, Тошкент - Batafsil.uz. Ўзбекистон футбол ассоциацияси миллий терма жамоанинг шу йилнинг ёзида бўлиб ўтадиган дунё биринчилигида киядиган янги экипировкасини намойиш этди.
Қайд этилишича, ўтган йилга қадар миллий терма жамоа Германиянинг "Jako" компанияси либосларидан фойдаланиб келаётган эди. Ўзининг дебют жаҳон чемпионатига эса терма жамоамиз маҳаллий бренд — "7SABER" томонидан тайёрланган либосларда майдонга тушади.
Эълон қилинган видеороликда либосларнинг яратилиш жараёни кўрсатилган: унда миллий орнаментлар туширилган мато андозасидан тортиб, спортчилар томонидан ўтказилган якуний тақдимотгача акс этган.
Эслатиб ўтамиз, бугун, 26 май куни Ўзбекистон миллий терма жамоаси ўз тарихида илк бор иштирок этадиган Жаҳон чемпионати финал босқичига якуний тайёргарлик босқичини ўтказиш учун Америка Қўшма Штатларига йўл олди.
Изоҳлар мавжуд емас