Ўзбекистон, Тошкент - Batafsil.uz. Тошкент шаҳар Фавқулодда вазиятлар бош бошқармаси бугун, 8 май куни пойтахтда кутилаётган ноқулай об-ҳаво — кучли шамол ва ёғингарчилик сабабли шаҳар аҳолиси ва меҳмонларидан хавфсизлик чораларига қатъий риоя қилишни сўради. Бошқарма фуқароларни кўчада дарахтлар, электр устунлари ва енгил конструкцияли қурилмалар тагида турмаслик ҳамда автомобилларни ушбу объектлардан узоқроққа қўйиш ҳақида огоҳлантирди.
Хавфсизликни таъминлаш мақсадида аҳолига хонадонлардаги эшик-деразаларни маҳкам ёпиш, балконлардаги буюмларни хавфсиз жойга олиш ва газ қурилмаларини доимий назорат қилиш тавсия этилган. Шамол кучайган вақтда мустаҳкам бинолар ёки ер ости ўтиш йўлларига яшириниш, реклама баннерлари ва бузилиш хавфи бор бинолардан узоқроқ бўлиш зарурлиги қайд этилган.
Фавқулодда вазиятлар юзага келган тақдирда фуқаролар 112, 1055 ёки (55) 515-10-50 телефон рақамлари орқали қутқарув хизматига мурожаат қилишлари мумкин. Ушбу огоҳлантириш об-ҳаво шароити кескин ўзгариши натижасида юзага келиши мумкин бўлган бахтсиз ҳодисаларнинг олдини олишга қаратилган.
Изоҳлар мавжуд емас